الخلطه السريه لطريقة عمل قرنبيط مقرمش وبطاطس رائعه

يا بنات قرنبيط ده ولا كنتاكي لا قرنبيط بس بالخلطه السريه والطعم حكايه ع فكره لو اولادك مش بيحبوه هيحبوه وصدقوني فوائد القرنبيط مفيد جدا وكمان عملت منه بطاطس كنتاكي معاه

ü  الطريقه والمقادير بالتفاصيل
ده بقي (القرنبيط) المقرمش الي مش شارب زيت خاااااااالص ومن كتر حلاوته وطعمه اللي يجنن هيتاكل علطووووول
§       المكونات:
ارنبيطه متوسطه و4 بيضات وربع كوب لبن وبصله وفصين ثوم وطماطميه وخضره (شبت وبقدونش وكسبره) ومعلقه كبيره بينكج بودر و2 معلقه كبيره مليانه نشا و من 3/4 ل 1كوب دقيق وملح وفلفل وشطه (حسب الرغبه)
§       الطريقه:
1. قطعت الارنبيط وردات وسلقته نص سلقه ف مياه بتغلي فيها ملح وكمون
2. حطيت ف الخلاط البيض واللبن والبصله وفصين الثوم وضربتهم ضربتين وبعدين حطيت الطماطميه والخضره والملح والفلفل والشطه واديتهم ضربه كمان وحطيت الخليط ده علي الدقيق والنشا والبيكنج بودر وقلبتهم وكده بقي الخليط جاهز
3. نزلت الارنبيط ف الخلطه وقليته ف زيت ساخن يتحمر
§       ملحوظه :
1. لو الخلطه خفت منك حطيلها حبه دقيق ؛ ولو تقيل خففيها بشويه لبن
2 . لو الخلطه زادت متكبيش الباقي منها حرااام الدنيا غلاء قطعي بطاطس حلقات تخينه شويه واسلقيها واعمليها زي الارنبيط بالظبط هتعجب الاولاد جدااااااا إن شاء الله

0 التعليقات

اظهر تعليقات : جوجل بلس او تعليقات بلوجر

1